Sans gêne

De 16. Mäerz ass et nees esou wäit: déi franséisch Sängerin Zaz fënnt de Wee erëm zeréck op Lëtzebuerg! Réischt am November huet dat liicht verréckte Meedche mam Piercing am lénke Bak säin neien Album „Effet Miroir“ op de Maart bruet an domat eng ganz nei Säit vu sech offenbaart. Deels melancholesch, deels rockeg an deels mat latäinamerikaneschem Flair erzielt d’Zaz vu senge ville verschiddene Facetten a kuckt zeréck op e Liewe voller Reesen. Scho mat véier Joer wousst d’Zaz – gebuer als Isabelle Geffroy –  genau, wat et wéilt an huet zënterhier u sengem groussen Dram geschafft.

 

Vum Cabaret an d’Stroosse vum Paräisser Kënschtlerquartier Montmartre, vum klenge Café bis op déi ganz grouss Bühn – d’Zaz ass sech fir keen Optrëtt ze schued. Als „modern Versioun“ vum Édith Piaf huet d’Fransousin mat der rauer Stëmm säin Debutalbum „Zaz“ iwwer eng Millioun mol a senger Heemecht verkaf an et domat och iwwer déi franséisch Grenzen eraus zum ganz grousse Star gepackt. Ma net nëmmen säin onverkennbart Organ mëscht d’Zaz zu engem ganz spezielle Stäerchen um Chansonniers-Himmel. Et ass virun allem seng immens authentesch Aart, déi dat 38-Järegt esou sympathesch wierke léisst. Mat Aussoe wéi „Ech zéie Libellen un“ oder doriwwer, wéi hatt sech als jonk Kënschtlerin ee Joer net geschminkt huet fir net ëmmer anere gefalen ze wëllen, wierkt d’Zaz zwar oft e bëssen nieft der Rull, ma genau dat ass et, wat d’Leit un him esou gären hunn.

Et ass net eent vun deene Meedercher, déi nom éischten Hit a Party-Exzesser versenken, oder sech vun der éischter Gage en horrend deiere Fummel vun Dior uschafen. D’Zaz gehéiert éischter zu deenen, déi sech bei Interviews scho mol relax trotz Jüpp op de Buedem sëtzen oder verroden, dass hire Gaart doheem ausgesäit wéi en Dschungel, well se einfach ze chaotesch fir d’Liewe sinn. An och iwwer privat Saache schwätzt d’Fransousin ganz riicht eraus, éierlech a sans gêne. Fir hatt ass Sange wéi eng Therapie, déi him hëlleft, all Dag op e Neits säi Wee ze fannen. No dräi Joer Radiopaus zielen seng Lidder vum eleng sinn („St Valentin“) an dovun, d’Saachen einfach emol op sech duerkommen ze loossen („Qué Vendrá“) – och wann dat heiansdo schwéier fält.

 

Et schéngt ze funktionéieren, well egal wou d’Zaz hikënnt, sangen d’Leit seng Texter mat. Hikomm ass et 2012 dann och op eng ganz aussergewéinlech Plaz – op mannst, fir e Concert ze spillen. Matsamt sengem Gittarist a Kontrabassist ass hat fir de Kuerzfilm „Zaz – l’histoire d’une ascension“ op d’Spëtzt vum Montblanc gekrackselt an huet do säin Hit „Je veux“ unplugged viru versammelter Mannschaft performt. An engem Interview no dësem Trip sot d’Sängerin op d’Fro, wéi et dann ass a 4.810 Meter Héicht ze sangen: „Miserabel Akustik mee eng super Aussiicht“. Vun der Long op d’Zong also, genau esou, wéi een d’Zaz kennt.

 

“Ce n’est pas votre argent qui fera mon bonheur”

Zaz

Et erahnt een et vläicht schonn: d’Zaz ass keent, wéi en anert. A wien elo virwëtzeg ginn ass an d’Sängerin gären in persona erliewe wëll, deen dierf säi Concert an der Rockhal op kee Fall verpassen! A wie weess, vläicht päkt d’Sängerin jo och dann erëm eng vu senge ville witzegen Aussoen aus, well bei iwwer 500 Concerten an insgesamt fënnef Kontinenter huet d’Zaz definitiv méi wéi eng cool Story ze verzielen.

 

 

Laura Tomassini

 


Mady Lutgen

Mady is looking back on 18 years of experience in the Luxembourgish media world. She quit her job at Revue to launch an online magazine in which importance will be given to what makes us feel good – inside and out.

Comments (29)

  1. Avatar

    dans ma rue

    Reply
  2. Avatar

    Je veux 🙂

    Reply
  3. Avatar

    Eblouie par la nuit

    Reply
  4. Avatar

    Je veux 😉

    Reply
  5. Avatar

    Je veux

    Reply
  6. Avatar

    Je veux

    Reply
  7. Avatar

    Un den Zaz-Gott: Bitte Bitte! D’Lynn an ech wieren richteg glécklech 🙂

    Je veux —-> les tickets
    Au long de la route —-> je chanterais une belle chanson de ZAZ ;)) hihi

    Meng 2 absolut Favoriten 😉

    Reply
  8. Avatar

    Qué véndra 🍀🍀 geif mech rieseg freen Zaz lauschteren ze goen

    Reply
  9. Avatar

    Je veux

    Reply
  10. Avatar

    🎵 je veux 🎶

    Reply
  11. Avatar

    Je veux 🤗🤗💖

    Reply
  12. Avatar

    🌟 Qué vendrá 🌟

    Reply
  13. Avatar

    Je veux
    Ce n’est pas votre argent qui fera mon bonheur

    Reply
  14. Avatar

    On ira 🍀🙏🏽🤞🏽

    Reply
  15. Avatar

    Je veux

    Reply
  16. Avatar

    Je veux
    🍀

    Reply
  17. Avatar

    Je veux ! Merci

    Reply
  18. Avatar

    On ira

    Reply
  19. Avatar

    je veux mat menger Fraa dem Céline Wagner Brillon

    Reply
  20. Avatar

    je veux

    Reply
  21. Avatar

    Qué Vendrá

    Reply
  22. Avatar

    Port Cotton 😊

    Reply
  23. Avatar

    Je veux ☺️

    Reply
  24. Avatar

    Paris sera toujours Paris

    Reply
  25. Avatar

    Dans ma rue

    Reply
  26. Avatar

    Je veux 👍

    Reply
  27. Avatar

    Paris sera toujours Paris ♥️

    Reply
  28. Avatar

    « Si jamais j’oublie.. »
    Rappelle-moi qui je suis… pourquoi je suis en vie!

    Reply

Leave a Reply

Your email address will not be published. Required fields are marked *

Schreiw dech an fir d'Newsletter / Get the newsletter

Join our mailing list to receive the latest news and updates from me.

You have Successfully Subscribed!