Mieresfriichte mat Papayaszooss

Zutaten fir 4 Persounen :

100g Moulen

8 geschielte Scampien

4 Jakobsmuschelen

Ueleg an/oder Botter fir Unzebroden

Salz a Peffer

Zutaten fir Zooss:

1 räif Papaya

1 Schallotte

1 Knuewelekszéif

1 rout Chilischote

2dl Wäisswäin

3dl Fëschfong

2dl Ram

Salz, Peffer aus der Millen

1 El  Botter

Zoubereedung:

 Mieresfriichte wäschen an drëchentupfen

• Scampie bis zum Schwanz an der Mëtt duerchschneiden, net bis zum Schluss doduerch kréngele Scampie’en sech beim Ubroden
• wierzen an alles kuerz am Ueleg/Botter ubroden an op d‘Säit stellen

Zoubereedung vun der Zooss:

Papaya schielen, an zwou Halschechte schneiden a Käre mat engem Zoppeläffel auskrazen, an a Stécker schneiden

• déi gehackte Schalotte an di gepresste Knuewelekszéif am Botter undënsten
• mat dem Wäin ofläschen an akache loossen
• de Fëschfong, Papayastécker an opgeschnidde Chilischote dobäi gi
• wierzen akache loossen
• dann dat Ganzt duerch e Sieft sträichen
• Ram dobäi gi, an nach eng Kéier bis op Hallschent akache loossen
• nowierzen

Zesummesetzung:

 Gromperepüree preparéieren

• Eng Hallschent vun enger StJaques Muschel, soss eng kleng Schossel fir an de Schäffchen
• De Püree an e Sprutzsack fëllen an eng kleng Rosette an Muschel sprëtzen
• Mieresfriichten dra verdeelen a mat der Papaya’s Zooss nappéieren
• Am Schäffche bei 180* 15 Minutte goe loossen
• Virum Zervéieren nach mat puer Kraider dékoréieren

Zesumme mat Bernard-Massard proposéieren mir iech bei dëse Plat en Lëtzebuergeschen Pinot Blanc “Clos des Rochers” vun 2019. Dir kënnt de Pinot Blanc hei bestellen an dir kritt en souguer heemgeliwwert.

Text: Corinne Flammang