Saumon’s Häppecher

Zutaten :

4 Tranchë Saumon fumé

1 Zalotencornichong

1 Saft a Schuel vun der Zitroun

200g Frëschkéis

Salz a Peffer

Zoubereedung:

• Cornichong schielen a graff op enger Rapp rappen
• mat bëssi grafft Salz vermëschen a puer Stonnen zéie loossen
• duerno d’Wasser dovun ofscheeden an ausdrëcken
• Cornichong mat Frëschkéis vermëschen a mat Peffer wierzen
• op engem ausgeluechte Plastikfilm déi 4 Tranchen, 2 an 2, iwwerlappend ausleeën
• de Frëschkéis mat Cornichong drop verdeelen, loosst um Ënn vun der Roll wann dir se oprullt en Bord vun 3-4 cm
• elo rullt dat Ganzt op mat Hëllef vum Plastikfilm (wei eng Bûche)
• wéckelt nach eng Kéier de Plastikfilm ronderëm an dréint d’Enner fest zou
• versuergt d’Roll opmannst en hallwen Dag am Frigo, kann och gär den Dag virdru preparéiert ginn

Fir ze dresséieren:

 D‘Wutze vun der Rull fir d’éischt ofschneiden, an dann de Rouleau an 8 Portioune schneiden

• Tranchë mat bessi Kraider, Sprossen oder Zalot dekoréieren op engem klengen Teller

Zesumme mat Bernard-Massard proposéieren mir iech bei dëse Plat en Lëtzebuergeschen Crémant “Clos des Rochers” Dr. Frédéric Clasen Brut vun 2015. Dir kënnt de Crémant ganz einfach hei bestellen an dir kritt en souguer heemgeliwwert.

Text: Corinne Flammang